نڈال نے مسلسل سیٹ جیتنے کا 34سال پرانا عالمی ریکارڈ توڑ دیا

میڈرڈ: (ویب ڈیسک) نڈال نے میڈرڈ اوپن ٹینس ٹورنامنٹ کے پری کوارٹر فائنل میں ارجنٹائن کے ڈائیگو کے خلاف فتح حاصل کر کے یہ سنگ میل عبور کیا۔کلے کورٹ کے بے تاج بادشاہ نڈال نے 6-3 اور 6-3 سے فتح سمیٹ کر لگاتار 50سیٹ جیتنے کے ساتھ ساتھ 34سال پرانا ریکارڈ بھی توڑا۔ جان میک اینروئے نے 1984 میں بغیر سیٹ ہارے سنگل کورٹ پر مسلسل 49 کامیابیاں حاصل کی تھیں۔ نڈال نے یہ ریکارڈ گزشتہ سال فرنچ اوپن کے ساتھ ساتھ رواں سال بارسلونا اوپن اور مونٹی کارلو اوپن کے دوران قائم کیا۔31 سالہ عالمی نمبر ایک کا میڈرڈ اوپن کے کوارٹر فائنل میں ڈومینک تھیم سے مقابلہ ہو گا۔